Omdat roken binnen nie meer wordt getolereerd
Worre me vaker naar de Herazie gedirigeerd
T voordeel is dan weer niet mis
Je weet op den duur wat er oal voe troep aanwezig is.
Berg mie oude boeken in een kasse
Kratten bier en een oude voetbal tasse
Uutgedroogde tubes kit en verve
Een ouwe diepvries die ak nog nie zou wille erve
Een stereo uut 100 jear iervoor
Roestige schroevedraaiers en een links draaiende accuboor
De frietpanne op een oude PZC
Mie een vette leage van een millimeter of twee
Een stoel om in te ontspannen
En je afvragen, waarom bink ni de herazie verbannen
Die ouwe spiegel mot nog ergens an de mure
Dat mot a drie jear, dus kan nog even dure
Een droogmeulen voe de schone waste
Een vrachtwagen miniatuur boven op de kaste
M’n sigrette is op, ik gih wee nih binnen nih de vrouwe
Ik bin inmiddels onderkoeld van oal de kouwe
De rondleiding is klear, mie lol en zelf besef
Een rondje deur de Herazie van de oude Prins Sef
krakra
